കലണ്ടര്‍

കലണ്ടര്‍,
കാലത്തെ കടലാസില്‍
ഒളിച്ചു കടത്തുന്നവന്‍
അസംതൃപ്‌തിയുടെ
മൗന കൂടാരങ്ങളില്‍അടക്കം
ചെയ്യപ്പെട്ടവന്റെ
ശിലകളില്‍ ജീര്‍ണിച്ച
ലിഖിതങ്ങള്‍ മാത്രം ബാക്കിയാവുന്നു.
ശവപ്പള്ളിയിലേക്കു
മാത്രം തുറന്നു വച്ച ജനല്‍
ചുവന്ന റോസാപുഷ്‌പങ്ങളുടെ
വസന്തമാണിവിടെ
മരിച്ചവര്‍ക്കു വേണ്ടി
മാത്രം വിരിഞ്ഞു കൊഴിയുന്നവ.
ശവങ്ങളുടെ കൊടും
ശൈത്യത്തില്‍വിരലുകളാഴ്‌ത്തി
ദൈവത്തിലേക്കുയര്‍ത്തുന്നവന്‍.
എത്രവട്ടം കൊഴിഞ്ഞാലും
തളിര്‍ത്തു നില്‍ക്കുന്നപ്രണയത്തിന്റെ

വാകമരങ്ങള്‍ മാത്രം

കലണ്ടറുകളെഅതിജീവിക്കുന്നു.